Jab nahin aaye

Jab nahin aaye the tum
tab bhi mere saath the tum
dil mein dhadkan ki tarah, tan mein jeevan ki tarah
meri dharti mere mausam mere din raat the tum
jab nahin aaye the tum...

phool khilte the to aati thi tumhaari khushboo
har hasin shaam jagati thi tumhaara jadoo
aaine mein mere har din ki mulakaat the tum
dil mein dhadkan ki tarah, tan mein jeevan ki tarah
meri dharti mere mausam mere din raat the tum
jab nahin aaye the tum...

adhmundhi aankh mein sajta hua ek khwaab the tum
pehli barsaat mein bheega mahtaab the tum
hont mere the magar inki har ek baat the tum
dil mein dhadkan ki tarah, tan mein jeevan ki tarah
meri dharti mere mausam mere din raat the tum
jab nahin aaye the tum...